嘩~好電呀!

煲緊醫神新碟嘅disc 2.Disc 1已經飛快地聽完兩次.

我係十分十分討厭電子音樂o架,但又覺得呢張碟好ok喎.

咁唔係偏心係咩呀?!

十分醒神,今勻包無釣魚啦.啱晒响公司提神.

今晚返歸先load相啦.

繼續煲兼開「衡」turbo死埋啲report先.

***
眾多顏色花多眼亂,首批限量包裝喎.唔怪得有人有衝動要買多幾張(劫自官方網頁.上面有link.):

我揀咗件嬌俏嘅桃紅色(!)布tee.原來布tee淨夠位收一隻碟,所以另一隻就收响隻卡紙tee裡面.而襯桃紅色嘅好醒神嘅青bb,撞埋去夠晒型:

包裝膠紙都未拆就影啦.連埋大大個價錢同來源貼紙都响晒到,唔怕話你知响邊樹買.如果拆咗,隻布tee會企唔穩o架.

拆開之後就會發現哩隻碟係無歌詞紙,要上UMG到download.然後亦都會發覺,係完全無相o架!!!完全符合個碟名.醫神都叫你聽佢咯,咁你仲諗住睇乜啫?不過,前前後後就有4件tee啦.個兩張貼紙我就唔捨得用嘞.有無發覺,件布tee後面係有個嘜頭?其實件布tee裡面係白色,滿佈住哩個嘜頭.真係好仔細,好有心思囉.

至於隻碟,就係黑色嘅.原碟嘅內圈就係鮮黃色,而remix碟嘅內圈哩就係藍色啦.Aulina話似係「復黑」喎!不過,我就覺得唔至隻CD復黑,連啲歌嘅曲風都好懷(80/90年代嘅)舊,但聽落又唔會覺得老土.成隻碟一路煲,好一氣呵成,唔會悶.通常成隻碟都係類似風格嘅話,會好悶o架嘛.但今次唔會!反而中間插咗隻相對係慢歌嘅Crying in the Party就好格格不入啦.最後賣大包送嘅「兄弟」更加不在話下,完全破壞咗响到un身un勢嘅情緒同氣氛.所以,disc 2聽落就更加過癮嘞!

唔知係咪我粗魯,隻卡紙tee未返到屋企已經甩皮甩骨.早知買膠tee啦...

題外話: 當我响H記好論盡咁揦住我份外賣同時嘗試將我銀包塞返入去我個逼挾嘅手袋個陣,個sales哥哥哩頭啱啱講完「有咩可以幫到你?」,個頭响我後面已經即刻傳嚟一把上咗年紀兼有小小鄉音嘅阿婆聲:「陳奕迅!!陳奕迅!!」(註:!!代表語氣急促.)

嘩!醫神果然魅力十足!雖然...阿婆有可能係受孫仔/孫女所託,但起碼連阿婆都識陳奕迅丫!勁呀!