京奧開幕儀式完滿結束,大家無穿無爛,仲要十萬個精采,真係還得神落.
我原本仲以為趕唔切,點知啱啱好,一到屋企換咗副眼鏡,儀式就開始啦.
雖然有啲場面我覺得娘娘地,但真係一個好震撼嘅show.(最中意太極嗰部分!)都幾感動架!特別係唱國歌嗰刻.(你知啦,我唔係幾愛國架嘛.)同埋好佩服張導演啲創意囉.《夸父追日》都可以攞嚟做靈感!當然,體操王子嘅體力同膽識都係非常之令我敬佩嘅.(比著係我俾人咁樣吊法,仲要舉起個火炬咁耐,我仲唔腳軟兼五十肩,之後再閉關休養半年?!)
又,真係「一眼一驚心」囉.特別係啲元首企起身呀、姚明入場呀、放煙花呀嗰啲時刻,真係大吉利時講句幾驚一眨眼就邊個瞓低咗又或者係大爆炸呀咁.(唉,係啦,我經常係咁低能地諗埋一邊囉.)好彩通通都無發生到!
雖然我都唔會點睇啲賽事,但都希望各項比賽繼續順順利利進行,大家做得好好睇睇啦.
[圖片取自蘋果日報]
大導演們近年為討好荷理活拍的一堆頭製作古裝戲多有不堪。看過張大導的黃金甲，頗擔心由他導演的奧運開幕禮。
ReplyDelete報導說，張大導慨嘆籌備開幕禮比拍一齣電影辛苦100倍，看得出來，還幸力氣沒白花，錢沒砸錯，澎湃精彩。
比拍一齣電影辛苦100倍, 好同意, 因為所有嘢都係live, 無得re-take, 無得edit, 幾努力幾辛苦都有太多臨場嘢. 十萬個緊張. 可以樣樣順利都係令人開心.
ReplyDelete阿姊: 那種決心和同心協力是看得出的.
ReplyDeleteMD: 對呀,人那麼多,隨便一個出問題也會頗礙眼的.
場面的浩大當然令人感動,但背後的準備和心思亦令人折服.
想不到自己會看，還覺得蠻好看的，哈。
ReplyDelete我也是最愛太極那個環節呢。可惜我沒看到李寧燃點聖火的一幕，因把錄影的時間預得太緊了些，到奧組委的人講話時錄影已中止了。
我也是,還堅持到最後一刻. :P
ReplyDelete其實"和"字那一幕也很震撼.我一定記不了那麼多腳步和口訣!