這個帕布有夠飄忽的.昨晚那些以為是打不成風的三日雨,誰知道是他再訪的先兆.太快了,突然間就已經變成T8!而且還在我最頭疼的禮拜五下午.基於犧牲了做其他事情的時間,還算很快的就可以離開公司.原本今天是要請J去吃辣蟹的,是為了慶祝好幾個月前他的生日和進了碩士課程.既然沒得出去吃,那就自己煮給自己吃囉.我當然只會煮簡單的,那麼艱鉅的炒蟹呀甚麼的,還是留著到外邊吃算了.一年一度的home alone日子也是我會煮飯的日子.其他時候廚房那輪得到我進去呀?可是想吃的又未必會煮,又不能整天都做同一道菜吧.於是在巴士上一直盤算著要買些甚麼.
下了車就先去買蔬菜.菜檔都已經沒甚麼東西剩了.而我又不知道這風會來多久,於是就隨便買一些比較白搭又可以放久一點的蔬菜了.之後就到媽媽相熟的魚檔買了魚和花蟹(還是猶豫了一會才決定要買蟹的).檔主姨姨好好人,教我把牠斬件,蒸十分鐘就可以了.(當然是他們幫我斬啦.)花蟹看起來沒有很大隻,其實還蠻多肉的.而且真的很鮮甜!再多來一隻我都可以把牠解決掉!
十分鐘後透明的肉變成了白色的,外殼也更紅了.
至於除了清蒸花蟹外,今天的晚餐還有蒜蓉炒節瓜(還是媽炒得好吃點!)和禮拜三煲了一大鍋的番茄薯仔排骨湯.加上白飯一碗.
滿足乎~
真是厲害，好難找到個咁識煮野食既女仔，我身邊的女性朋友，一個都唔識煮野食。我成日都係到諗，點解香港d女仔唔去學下煮野食。
ReplyDelete勁勁勁勁勁!
ReplyDelete哈哈, T8街市仲有餸賣咩? 好彩我尋晚入咗D貨, 唔係今日就慘囉.
ReplyDelete蒜蓉炒節瓜, 都好高難度架, 妳都掂哦.
唉呀...大家過獎啦!
ReplyDeletemokit: 我識得煮的都是很簡單的.再難一點的話,可能要天光都未有得食. :P
yuen yuen: 要是能再早一點回去,應該有更多東西賣.我去的時候很多都已經關門了.
節瓜...呃,我是亂亂切的.忘了老媽是切哪一個方向了.於是那碟節瓜裡面有片型的,也有條狀的. orz
至於炒嘛...用蒜蓉起鑊時差點把蒜蓉弄焦了!不過幸好最後沒事.
好掂呀lu!!!! 俾五粒星你!
ReplyDelete如果間晚得我一個人食, 要我去買餸煮嘢食, 我點都諗唔到會整蟹咁勁囉!!!! 好堅呀!!!!
哈哈.大家似乎都俾隻蟹呃到.
ReplyDelete其實唔駛我"湯",唔駛我斬件,淨係水滾放落去蒸10分鐘.就係咁簡單.下次試試呀. :)
好明顯樓上各位本身唔係好煮嘢囉！哈哈！唔睇正文會俾你隻蟹嚇親架（嗱，我成家都唔食，所以我嫁咗咁耐屋企都冇整過架），睇完就知如果係擋好的話，處理都唔係太難。:)
ReplyDelete下次再有機會整，記住蒸之前抹少少生粉，會冇咁多水。
haha...都係aulina明白 :P 因為確實十分容易,但大家這麼講了讓我十分不好意思.
ReplyDelete要抹生粉呀... 好!下次記得.
我打風個日本來都諗住買d 餸煮下. 但見超市大排長龍. 放棄. 走0左去買M 記...
ReplyDelete真係好正呀!
ReplyDelete紫熊:去到街市空空如也...所以都是隨便找點東西令自己吃得高興點. :P M記最近去得太多,要戒戒...
ReplyDeletevicky: 多謝呀 :)