煙霞.雲.22C
- 呃,二月份有黑色星期五,即係三月份都有啦.(今年不是閏年嘛.)剛剛翻月曆,原來十一月仲有.今年做咩咁多呢?
- 話咁快眨吓眼二月份又過了一半.我到底做過些甚麼呢??好頹廢呀!
- 到了十八還有利是收喎!
- 就係因為哩幾封,最終都係破咗舊年嘅紀錄.雖然只係贏咗個馬鼻咁多.
- 一個月內中咗兩次$20.我有無中大獎嘅命呢?
- 今日收到張新嘅信用卡.其實同之前個張無咩分別呵?
- 點解依家啲白金卡都變晒做黑色?!唔係應該白金色(ok...即係銀色啦)咩?咁啲黑卡應該用咩色呢? It's all inflated!
- 用嚟改做信用卡嘅嗰啲貴金屬名都就快用完啦.下一張,不如就叫做Kryptonite嘞!連超人都怕咗你呀,到時!
- 阿媽大排毒中,出咗超多水pok.見到都好痛.媽媽好勇敢!不過今日精神好好多,無咗啲神經痛啦終於.
- 某日有個高大(但極度瘦削嘅)男子着到成個布魯克斯兄弟啲catalog裏面咁嘅款坐响我隔離.我唔好意思側頭望佢咩樣,不過好似係好OK的.但成件事最得嘅係佢十分呵護手中個杯唔係星巴克或者太平洋嘅唔知奶茶定咖啡 - 係茶餐廳嘅!我中意!
- 我同某糖水店八字唔夾.個位好有性格嘅仁兄... 同啲客解釋點解招牌貨未有嘅時候,可唔可以用多幾隻字?即係呢,「唔知道」真係好helpful囉.
- 不過個位好友善嘅姐姐,你話因為之前個晚賣晒,所以到第二日晏晝三點幾、四點開舖都仲要一個鐘先做好.咁即係點呢?平時賣嘅第一輪都係隔夜貨?明知道係週末,點解師傅唔可以早啲返去準備?唔同隔夜嘅先至好味啲?
- 某粥麵店老闆好燥.建議一唔係叫啲伙記整多啲涼茶過你,一唔係去睇吓醫生.不過人家話自己好忙喎,都係唔好阻住人地發達.
- 其實我有幾篇比較有營養嘅嘢想寫,但我好懶呀.而且,我要去瞓啦.
- 聽日應該無黑仔事發生嘅.
我其中兩張金卡誓死唔肯upgrade做白金卡, 原因係... 我唔想從新記卡number, 而且白金卡都唔似白金 :)
ReplyDelete今日係13號又係星期五, 但唔係你提起, 我竟然完全唔醒起黑色星期五呢樣嘢添。
ReplyDelete我自己張卡都係一路費事upgrade, 因為唔知upgrade嚟做乜。
我媽同lu伯母同病相憐喇, 老媽出了一身紅疹, 痕得要死, 已經個多星期喇。希望兩位媽媽快啲好返晒, 精神爽利返晒。
其實lu鍾意點樣嘅男仔嘅呢：p
你嬴了﹗
ReplyDelete我收利是收到年十六咋…(不過都破晒以往紀錄﹗)
一月時和同事研究過…今年真係麻麻…黑色星期五都三個…撞鬼…
我覺得最得既係果杯茶記飲品
ReplyDelete如果個靚仔拎住既係星仔pcc 我會話佢bad taste law...係都habitu 呀1882咁，千祈唔好老麥大家樂啦 (純粹個人意見)
間糖水舖你都係blacklist左佢把啦...不過d服務態度又會咁差
雖然我果日四點去到都一早有得賣...
md: 我... 無可能背到我d信用卡號碼囉!
ReplyDelete係啦,家陣d白金卡真係唔係幾架勢!
xq: 哈哈.. 其實我都係見到先check吓,都唔係專登記嘅.
哎呀,希望xq媽媽快d好返!我媽應該有排啦.佢好毒囉,積o左幾廿年都有呀,我估!
好難講boh... 你有好介紹? XD
冰子: 係?不過我都完全無諗過仲有.其實好多舊年有俾嘅今年都無派俾我.可想言之,舊年佢地派得幾唔情願! XD
唔緊要啦,今年你當旺呀!無有怕!(我就慘d了)
飯: 我忘記講... 當時係响巴士上面,我個附近無habitu同1882啦.不過,個杯可能係熱華田又或者鹹柑桔.好似即刻跌左watt?吓...
其實又唔係態度差,係好懶懶閒.好時下青年囉.(講到自己好老tim)
我都有白金卡就知道出得幾濫啦XD
ReplyDelete而家黑卡要講明係真黑卡定係黑色卡添咋。
HI~
ReplyDelete能夠做個朋友嗎 ?
無意中看到了你的BLOG，讀了幾篇~
感覺很特別~的~ 哈~
加大: 你講笑啦,你有白金有幾出奇?
ReplyDeleteanon: 多謝!不過你唔留名都好難做朋友boh.