Sunday, September 07, 2008

病多兩錢

做乜失驚無神落咁鬼大雨?仲要行雷閃電?!29C

因為發燒(其實是昨天下午,今天已經稍為退燒)所以今天無出街,一直到黃昏才跟爸媽出去吃晚餐.誰知道老爸又發揮餐廳殺手的本能.我們今晚第一次去這家過去幾年每天都會經過的日本料理店原來只做到這個月底!!!真的很可惜囉.東西不只好吃,而且還很划算.我們點了兩人餐($180)、炸菜鴨腎(!)、、蝦汁蝦餅(好濃的蝦汁!),還有蟹粥(超鮮甜),也只是$380.兩人餐有蟹子沙律、三文魚刺身(普通)、鹽燒類選一款(我們點了燒牛脷.好吃,而且每桌都有點這個哦!)、飯麵類選二(我們選了煎牛肉飯跟鰻魚飯.牛肉好吃但汁太多太鹹).真的相逢恨晚!而且老闆娘似有滿腹牢騷加一堆難言之隱,每次都對熟客說... 唉,等我慢慢跟你說... (我都想聽呢.)

希望他們可以重出江湖!在這個月底之前如果會路經那附近,就去吃吃吧.(哦,今晚我又遇到黑馬影帝伉儷).

原本吃完,很滿足的散步回家,怎知道走到太陽朋友附近就下起雨來.原本還以為是過雲雨,打算邊走邊等雨停... ... 當然那沒有發生啦.最後因為不知道要等到甚麼時候就決定拿袋子遮住頭跑回去啦(可憐我那布袋子... 老爸連袋都沒得遮頭!又,在這種情況才發現原來很多大廈的門口是沒有蓬遮頭的!)

當然是淋濕了,不過還不至於全濕.但最過分的是,在最後一個路口的時候,突然發現袋子裡面有一硬物,於是伸手一探.果然... ...

是摺傘一把!!!

唉,那燒又好像回來了.[探熱中]

17 comments:

  1. 呢幾日抖多d!星期五之前要好返呀~

    ReplyDelete
  2. 已經被人恐嚇了.如果不能上飛機的話,費用要我負責 >_<~

    ReplyDelete
  3. 路妹你好輪盡呢……快d好返呀!

    ReplyDelete
  4. 大頭蝦,小心D喇...
    我禮拜六飛...

    ReplyDelete
  5. take care bo.快點好番~~

    ReplyDelete
  6. 又:黑馬影帝伉儷係指……

    ReplyDelete
  7. aulie: 我懷疑係排緊毒(乜都入晒排毒數).因為尋日去完therapist樹,全身都痛...(仲要拔罐,瘀晒...個度)

    阿姊: 俾阿媽取笑了.哈.......你飛?!你飛去哪兒??(好像沒聽你說起...)

    cr: thank you :)

    ReplyDelete
  8. 黑馬影帝 > 哈哈... 你估吓... 皮膚黑黑地囉

    ReplyDelete
  9. 排緊毒都可能架. 我有次有少少作病, 去完deep tissue massage之後, 好舒服, 但病足成個星期! get well soon!!!

    ReplyDelete
  10. md: 不過禮拜五我都開始喉嚨痛,總之都係唔多妥.我隔離阿同事成日病,今早返o黎就嚇吓佢.成日都病唔好,搞到個個都驚晒. :P

    ReplyDelete
  11. 原來lu病了。旅行前緊張?快啲好返,要精神爽利地去旅行啊。

    ReplyDelete
  12. 應該係好多樣撈埋一碟. :)

    ReplyDelete
  13. 學你...陪老人家。
    去邊?
    搞爛gag:祖國邊個省有士多?
    個gag我第一次聽都聽到一舊雲。

    ReplyDelete
  14. 哈...ic..

    不過好難估woh,雖然都覺係"知道之後會啤一聲"嘅個亭...

    ReplyDelete
  15. 囶...

    我上次去沒去孔廟,有點可惜囉.現在去應該天氣不錯... 玩得開心點啦!

    ReplyDelete
  16. 我...其實只係負責出席...唔多清楚去咩景點...
    你都係,玩得開心D!

    ReplyDelete