忙到趴係度都要賦文一番之中毒

陽光普照.30C

我俾某位大師話我中得又深又快喎.

另一位大師好明顯係好有經驗,一眼就話哩啲會好快消失嘅~~ 但哩位大師一邊幫我解圍,一邊又send啲video clips俾我,簡直係直接掉我落火坑!(不過睇完條片,完全明白點解一開頭佢會唔肯加哩個動作落去.實在係太令人難堪啦,難怪一眾在場嘅少女都好似見到小強咁尖叫.如果我在場應該都會咁... 雖則我平時見到小強係唔會尖叫而係隨手執起身邊嘅嘢就咁拍落去.)

無啦,我完全無時間dig up佢以前嘅新聞、歌、節目啊咁.只係隨意咁睇吓,越發覺哩位didi好可愛.佢對耳仔真係好好笑!!!(唉... 已經到咗求其一個係電視上見到的都係didi嘅程度了.囧囧囧)

其實一開始都無特別留意佢.但個條片頭真係拍得好正,而佢個兩個shot係特別動人.[毒!] 不過我好中意嘅主題曲佢係無份唱,只係負責跳舞同rap.囧.而我係一向都好唔中意聽rap的(因為聽唔切..... 呃),但我而家聽主題曲係會好期待佢段rap囉.[毒!毒!]

而片中係街頭跳舞(唔係鬥舞個段)嘅個首歌,因為個場拍得好感人嘅關係,(其實兩位女角唱得好好),而令我中意咗首歌.而佢個句「DJ, put it back on!」哇!正到爆(但又覺得有啲啲似電腦報導員聲.呃)完全贏咗原裝n條街. [毒!毒!毒!不過首歌本身就好毒.]

但講真,佢把聲又係唔係我中意嘅個種喎,所以佢主唱嘅個首歌我係好無感的.仲要有一集嘅片尾話哩首歌登上咗榜首,於是佢要上電視台唱歌啦.哇,個chok樣... 呃.但經過哩幾日係咁煲OST之後,竟然覺得首歌都唔錯喎.[哩個係終極毒囉.]果然,不停重複做一件事係可以自我催眠的.

(其實... 應該係因為OST版本,佢隊友唱咗大部分,而阿隊友把聲好好聽~~~)

哇,夠啦!!!今次又睇吓中幾耐!