好抵嘅機票

超大霧.19C [哇,阿ce唔慌唔搏大霧]

真係好需要識返個有private jet嘅朋友先得.飛一轉壽司國都係收經濟客位價咋喎.咁樣即係幾折呢? 0.0000000001折?!團購都做唔到啦.(好啦... 哩個數係誇張左.) (又,係,我知,做人係唔應該有眼紅症嘅.)

但... 真係好忍唔住咁諗,真係當香港人係傻嘅?抑或覺得當你係弟兄姊妹所以唔會同你斤斤計較?

真係唔知你同你位親愛的天父談心時,個良心要點遮呢.

位高權重,就算能力學歷頭腦有限,最起碼要懂得,甚麼叫瓜田李下吧.

啊,係!可能以前忙,唔得閒睇《成語動畫廊》 .真係好好睇架.退左休之後,有時間要睇吓啦.